ترکمن سسی : ناصر مارامایی از شاعران جوان و خوش قریحه ترکمن صحرا است.اشعار زیر از این شاعر هنر دوست است.
مارامایی که گوکجه تخلص می کند، فعالیت خوبی نیز در فضای مجازی دارد.
اشعار زیر از این شاعر هنر دوست است.
؟؟ خابارئنگ بارمئ ؟؟
غوجا بۆرگۆت ، بلند داغئنـگ
باشئندان خابارئنگ بارمــئ؟
آیرالئغا تاب گتیرمز
داشئندان خابارئنگ بارمئ
ای آسمانئنگ ارکین غوشئ
دومانلاپ دور داغلار باشـئ
سیل بۇلدئ گؤزلریم یاشئ
یاشئندان خابارئنگ بارمئ؟
یاد ایل لرده بۇلدئ ایشـیم
یۇقد‌ور موندا قووم خـویشیم
غالام غاشلئ آلدئ هوشوم
غاشئندان خابارئنگ بارمئ؟
بۇلغون صحرامئنگ مئخمانـئ
بابا مئنگ یاشان. مکانــئ
ساچاق دا اگسیلمز نانئ
آشئندان خابارئنگ بارمئ؟
گؤکجه شاهئر یاد ایل لرده
یۆرگیم صــحرا چؤل لـرده
ایلیمینگ یازئ دیل لرده
غئشئندان خابارئنگ بارمئ؟
.......❤️سویگینی❤️..
سؤیگینی سورادیــم اول قارا گؤزدن
دیدی سویگی دیمک گؤزلرینگ بیری
سؤیگینی سورادیم وفـالـی قیــزدان
بیریوره گیم باردیــر. تاپیلسا أری
سؤیگینی سورادیـم خزانلی گویزدن
سارالیـب سولسام دا. آیرالیق درده
سؤیگینی سورادیـم گُلعـذار یازدان
غنچه سی آچیلماز سویمه ین مرده
سؤیگینی سورادیم قوشغی دان سؤزدن
سؤز دیدی سؤیگی لر هنگلی غزالی
سؤیگینی سورادیم داغلاردان دوزدن
سؤیگی لر طبیعت دونیانگ گؤزلـی
سؤیگینی سورادیم تولقین دنگیزدن
شلپه قاقیب توردی .عمٌانا نیـــــلی
سؤیگینی سورادیم یارسؤین قیـزدان
سؤیگی دییمک لیلی.مجنونینگ میلی
سؤیگینینگ وصفیندن سطیر لر دوزه
دپدر قورساقینــدا یوره دی قــالام
کؤین عاشق لارینگ دیـده سین ازه
دیدیلر عاشق لیق.اینگ بییک عألم
گؤکجه دیر سورادیم کوپ دنم آزدان
سؤیگی لر دویغی لار گیزلی بیر پریاد
سؤیگینی سورادیم موقام لار سازدان
سؤیگی قلبینگ تاری بیلسه آدمزاد
.....اوزاق‌لاردان سلام ..
تۆرکانا یاشایان ایلینگ قوچاغی
اوزاق‌لاردان سلام ای تۆرکمن ایلیم
برکتلی اۏجاق صحرانگ ساچاغی
اوزاق‌لاردان سلام ای تۆرکمن ایلیم
قورساغیمدا لۏولاب آیرالیق غمی
مخمل چؤلۆنگ مۆنگ‌لر دردینگ ملهمی
دؤشۆنگه دایانیب آلایین دمی
اوزاق لاردان سلام ای تۆرکمن ایلیم
بلند داغ‌لارینگدا دومان بوغاریب
گوک سالان بوغدایلانگ سحر چیغاریب
جارچکدیم غربت‌دا آدینگ چاغیریب
اوزاق لاردان سلام ای تۆرکمن ایلیم
آخال بدو مینن قهرمان ییگیت
آسمانینگ تأجینده پر اوران بۆرگۆت
صحراما یتیرگین سیلاغلی سارغیت
اوزاق لاردان سلام ای تۆرکمن ایلیم
آی‌لاریم گچنده گؤیه سنه‌لر
یارینا قاراشیان گوزل سونالار
بالاسینا آلقیش دیلأن انه‌لر
اوزاق‌لاردان سلام ای تۆرکمن ایلیم
گوکجه شاهیر نأچه سطیر یازارینگ
یوره‌گینگدن جوشان سوزی دۆزرینگ
آق بالیق‌لی شلپه قاقان خزرینگ
اوزاق لاردان سلام ای تۆرکمن ایلیم
........دیدیم سلام.....
ماخمل یالی یایلیم صحرا
دیدیم سلام دیدیم سلام
بیربیر اوبا باری شهره
دیدیم سلام دیدیم سلام
آخون ایشان قوجالارا
مایا قیزلار اجه لرا
بییک پیرلرخوجه لرا
دیدیم سلام دیدیم سلام
بوستانیندا باغ گولینه
سایران غوشلار بلبلینه
صحرادا یاشان ایلینه
دیدیم سلام دیدیم سلام
سحر اییردن تورانلارا
ایشین گویجین قورانلارا
داووارلاری. اؤرنلره
دیدیم سلام دیدیم سلام
جولگه لری چؤل لرینه
اول خزری گؤل لرینه
إگرم إگرم یول لرینا
دیدیم سلام دیدیم سلام
چاپار. بدوو آتلارینا
یایلیم دشتینگ اوتلارینا
چوپان. قویوین ایتلرینه
دیدیم سلام دیدیم سلام
قانات گرن غوشلارینا
قارا داغینگ داشلارینا
قوجا. اوشاق. یاشلارینا
دیدیم سلام دیدیم سلام
گؤکجه شاهیر تورکمن ایله
آغیزی بیرلیک ساغلیق دیله
ادب اکرام اخلاص. بیله
دیدیم سلام دیدیم سلام
ناصرمارامایی.
گؤکجه.شاهیر
- نظرات خود را با حروف فارسی تایپ کنید.
- نظرات حاوی مطالب کذب، توهین یا بی‌احترامی به اشخاص، قومیت‌ها، عقاید دیگران، موارد مغایر با قوانین کشور و آموزه‌های اسلامی منتشر نمی‌شود.
- نظرات بعد از ویرایش ارسال می‌شود.